ولې انګلیسي ژبه زده کړم؟

انګلیسي ژبه په ټوله نړۍ کې د اړیکو او پرمختګ مهمه وسیله ده. شاوخوا ۶۵٪ انټرنېټ منځپانګه په انګلیسي ده او ډېری علمي مقالې او کتابونه په دې ژبه خپرېږي. د انګلیسي زده کړه د پوهنتونونو، دندو، شخصي وده، نړیوالو اړیکو او د کلتورونو د درک لپاره لوی فرصتونه برابروي.

په پراخه کچه خبرې کېدونکې انګلیسي ژبه

انګلیسي ژبه له هغو مهمو ژبو څخه ده چې په ټوله نړۍ کې ډېری خلک پرې خبرې کوي. جالبه دا ده چې له هر پنځه کسانو څخه یو کس کولی شي په دې ژبه وغږېږي؛ یا دا د هغه مورني ژبه ده، او یا یې زده کړې ده. دا ژبه د امریکا، انګلستان، استرالیا، نیوزیلنډ او کاناډا لومړۍ او رسمي ژبه ده، او همدارنګه په ډېرو نورو هېوادونو کې د دویمې ژبې په توګه کارېږي، لکه سویس، هالنډ، هند، پاکستان او نور.

انګلیسي په ځینو برخو کې تر ټولو کلیدي ژبه ده، لکه د دیپلوماسۍ په برخه کې چې هېوادونه د اړیکو لپاره ورڅخه کار اخلي. همدارنګه، د هوايي ډګرونو او د ګرځندوی د ځینو شرکتونو په برخه کې هم انګلیسي د اړیکو ژبه ده. اوس مهال تر دوو میلیارده زیات خلک دا ژبه زده کړې ده، او اټکل کېږي چې په راتلونکې کې به نور هم ډېر کسان وغواړي چې انګلیسي زده کړي.

د پوهې پراخ لاسرسی د انګلیسي ژبې له لارې

یو له سترو دلیلونو څخه چې ما انګلیسي ژبه زده کړه غوره کړه، د علمي سرچینو لاسرسی وو. اوس چې دا ژبه مې زده کړې ده، ډېر راضي یم او تل له ځانه خوښ یم چې ریښتیا هم ارزښت یې درلود.

شاوخوا ۶۵٪ د انټرنېټ منځپانګه په انګلیسي لیکل شوې ده. ډېری علمي مقالې چې په Google Scholar او نورو علمي سایټونو کې شته، په انګلیسي دي. له همدې امله، هغه هېوادونه چې انګلیسي یې لومړۍ ژبه نه ده، بیا هم خپلې څېړنې په انګلیسي خپروي. ډېر علمي کتابونه هم په انګلیسي لیکل کېږي.

شخصي پرمختګ د انګلیسي ژبې په زده‌کړه کې

کله چې موږ انګلیسي زده کړو، کولی شو د شخصي پرمختګ لپاره ترې ګټه واخلو. که د علمي مقالو او کتابونو له لارې وي، او که د آنلاین کورسونو لکه Udemy او Coursera له لارې، دواړه به زموږ لپاره ګټور وي. همدارنګه، د مسلکي اړیکو پراختیا او د نورو متخصصینو له علم څخه ګټه اخیستل، له انګلیسي پرته سخته ده.

په نړۍ کې د غوره پوهنتونونو ته د انګلیسي زده‌کړې له لارې لاسرسی

یو له غوره ګټو دا ده چې که انګلیسي ژبه زده کړو، د نړۍ په نوموتو پوهنتونونو لکه هاروارد، اکسفورډ، کمبریج او نورو کې زده‌کړه کولی شو. ډېری پروګرامونه یې په انګلیسي وړاندې کېږي.

په انګلیسي ژبه پوهنتونونو کې د تحصیل لپاره له موږ څخه د آیلیټس او ورته نورو ازموینو پایلې غوښتل کېږي. که تاسو د ایتلس امتحان په اړه معلومات غواړی نو زه پیشنهاد کوم چی دا لینکه ته لاړ شی.

ایلتس امتحان

انګلیسي ژبه او د کلتورونو ژور درک

نن ورځ فلمونه او سینما د نړۍ د تر ټولو لویو تفریحي وسایلو څخه دي. هالیووډ د نړۍ د مخکښو فلمي صنعتونو څخه دی چې د بېلابېلو کلتورونو کیسې وړاندې کوي. د انګلیسي پوهه موږ ته دا توان راکوي چې د یوتیوب او نورو پلیټفارمونو مستندونه او ویډیوګانې له ژباړې پرته وګورو او له سفرونو خوند واخلو.

دندې موندل د انګلیسي زده‌کړې په مرسته

هغه کسان چې انګلیسي زده وي، دندې موندلو کې تر نورو ډېر فرصتونه لري. نړیوال شرکتونه، په ځانګړي ډول هغه چې په افغانستان کې هم فعال دي، د انګلیسي مسلط کارکوونکي غواړي.

پایله

په ټوله کې، انګلیسي ژبه زده کړه موږ ته په ژوند کې ګڼ فرصتونه راکوي: د کار پرمختګ، سوداګري، علم، شخصي وده او د نړۍ له غوره پوهنتونونو سره نښلول. د دې ژبې زده کړه د هرې هڅې ارزښت لري.

منبع  “Why Should I Learn English?” – 10 Compelling Reasons – Oxford Royale